Kursi synon pajisjen e studentëve me njohuritë bazë mbi konceptin e të drejtës së pronësinë intelektuale. Për këtë qëllim do të analizohet legjislacioni në fuqi që sanksionon parimet, subjektet dhe hapat proceduralë që ata duhet të ndjekin për mbrojtjen e një vepre nga ligji për të drejtën e autorit apo të një produkti dhe shërbimi nga ligji ”Për pronësinë Industriale”. Në mënyrë hollësishme në këtë kurs do të trajtohen konceptet juridike të veprave të cilat janë fryt i krijimtarisë intelektuale/industriale të personave fizikë/juridikë; kushtet që duhet të plotësohen që produktet e krijimtarisë intelektuale apo industriale të gëzojnë mbrojtje nga secili akt normativ në fuqi; subjektet që ligji i njeh të drejtën të bëjnë ankim në rrugë administrative dhe atë gjyqësore; procedurën që ndiqet për shqyrtimin e ankimit dhe marrjen e vendimit

Qëllimi dhe objektiva e këtij kursi është që t’u japë studentëve njohurite bazë për të drejtën e pronësisë intelektuale, të drejtën e autorit. Gjithashtu një vënd të rëndësishëm do të zënë gjithashtu traktatet, konventat, marrëveshjet dhe direktivat në fuqi në Bashkimin Europian në fushën e pronësisë intelektuale, duke analizuar në mënyrë të përmbledhur rëndësinë që ka secili akt normativ si dhe përpjekjet që ka bërë vendi ynë për njohjen dhe implementimin e tyre në legjislacionin e brendshëm.