Kjo lende, fillimisht, synon të shërbejë si një hyrje e përgjithshme në literaturën dhe teorinë postkoloniale. Për këtë qëllim, nje sere e teoricienëve më me ndikim të postkolonializmit, si dhe disa nga punimet letrare që kanë qenë të një rëndësie të veçantë për debatet dhe diskutimet në këtë fushë do te trajtohen. Vëmendje e veçantë do t'i kushtohet disiplinës problematike të "studimeve postkoloniale": origjinës së vetë termit dhe mënyrave të diferencimit të tij nga studimet për çlirimin kombëtar dhe të diasporës; kalimi nga konceptet historike dhe socio-shkencore të postkolonialeve në ato thelbësisht letrare-kritike; problemet dhe dështimet e paradigmës letrare të studimeve postkoloniale siç u shfaqën në vitet 1980; dhe tendenca e studiuesve të letërsisë që punojnë sot në këtë fushë për të shtrirë postkolonialitetin në zona gjithnjë e më të gjera të historisë dhe gjeografisë.

Qëllimi i këtij kursi është të prezantojë konceptet e kolonizimit, dekolonizimit, postkolonializmit, neokolonializmit dhe ndikimet e tyre në vendet e kolonizuara dhe më tej në mbarë globin. Lënda synon gjithashtu të njohë studentët me literaturën e shkruar në vende të ndryshme gjatë periudhës së kolonizimit si dhe pas rënies së tij. Po ashttu, synohet të prezantohet teoria e letërsisë koloniale dhe postkoloniale, rezistencës dhe përfaqësimit, e diskursit kolonial të pasqyruara në tekste të ndryshme të shkruara nga shkrimtarë të ndryshëm gjatë dhe pas periudhës së kolonializmit. Një qëllim tjetër është njohja e studentëve me ndikimin e kolonializmit deri më sot.