Ky kurs është konceptuar si diskutim miqësor me studentët e dramës që janë të interesuar gjithashtu në tekstin dramatik. Gjithësesi, leksionet janë bërë në bazën e disa studimeve dhe interpretimeve të mëparshme, mbi të cilat do të mundohem të sjell argumentimet e mia të gjëra të evidentuara edhe në tekstin dramatik gjithashtu. Teatri dhe drama kanë gjeneruar në mënyrë marramendëse letërsinë ndërkombëtare, shkrimet dokumentare gjithashtu; duke u përplasur me forcë me bindje e ideologji të ndryshme, inovacione dhe eksperimente teknologjike dhe përtej qëllimit të këtij kursi, lexuesi i zellshëm arrin të gjejë burime të shumta për të përmbushur etjen e tij profesionale.

Kursi i Studimeve të Dramës synon të zhvillojë interesin dhe kënaqësinë e studentëve për dramën dhe teatrin si pjesëmarrës ashtu edhe si anëtarë të informuar të një publiku, duke nxitur një entuziazëm dhe vlerësim kritik të temës. Ai është i përkushtuar për të ofruar një platformë krijuese ku studentët zhvillojnë aftësitë e tyre fizike, sociale dhe emocionale duke zhvilluar në të njëjtën kohë njohuri dhe vetëdije për periudha të ndryshme letrare vendimtare për zhvillimin e dramës.