Kjo lende, fillimisht, synon të shërbejë si një hyrje e përgjithshme në literaturën dhe teorinë postkoloniale. Për këtë qëllim, nje sere e teoricienëve më me ndikim të postkolonializmit, si dhe disa nga punimet letrare që kanë qenë të një rëndësie të veçantë për debatet dhe diskutimet në këtë fushë do te trajtohen. Vëmendje e veçantë do t'i kushtohet disiplinës problematike të "studimeve postkoloniale": origjinës së vetë termit dhe mënyrave të diferencimit të tij nga studimet për çlirimin kombëtar dhe të diasporës; kalimi nga konceptet historike dhe socio-shkencore të postkolonialeve në ato thelbësisht letrare-kritike; problemet dhe dështimet e paradigmës letrare të studimeve postkoloniale siç u shfaqën në vitet 1980; dhe tendenca e studiuesve të letërsisë që punojnë sot në këtë fushë për të shtrirë postkolonialitetin në zona gjithnjë e më të gjera të historisë dhe gjeografisë.

Qëllimi i këtij kursi është të prezantojë se çfarë është kolonizimi dhe cilat janë ndikimet e tij në të vendet e kolonizuara anembanë globit. Kursi synon gjithashtu të njohë studentët me literaturë e shkruar në vende të ndryshme gjatë periudhës së kolonizimit dhe postkolonializmit, kur këto vende u çliruan nga zgjedha e huaj. Kursi, gjithashtu synon të prezantojë teorite e letërsisë koloniale dhe postkoloniale, rezistencen dhe përfaqësimin, diskurset koloniale të pasqyruara në tekste të ndryshme të shkruara nga shkrimtarë të shumte gjatë dhe pas kolonializmit