Lënda analizon gjerësisht konceptet që lidhen me mbrojtjen e të drejtave të njeriut duke I trajtuar nga ana teorike dhe praktike, si dhe studimin dhe analizimin krahasues dhe kritik midis sistemeve të ndryshme, në mënyrë që të mundësojë nxitjen e mendimit analitik si një mënyrë efikase për përvetësimin e lëndës. Një vëmendje e posaçme i kushtohet sistemit të mbrojtjes së të drejtave të njeriut në Shqipëri si dhe funksionimit të institucioneve ndërkombëtare si Kombet e Bashkuara, Këshilli i Evropës, Bashkimi Evropian, Organizata për Siguri e Bashkëpunim në Evropë, etj në aspektin institucional dhe ligjor në kuadër të mbrojtjes dhe promovimit të të Drejtave të Njeriut.

Në përfundim të lëndës studentët duhet të kenë njohuri për sistemin e të drejtave të njeriut kombëtar dhe ndërkombëtar, problematikat e hasura në zbatimin e të drejtave të njeriut, kufizimet ligjore si dhe një panoramë të përgjithshme të politikave europiane në kuadër të mbrojtjes dhe promovimit të të drejtave të njeriut.