Kjo lëndë do të fokusohet në të drejtën e kontratave të familjeve ligjore common law dhe civil law (e cila gjithashtu ndahet në sistemin romak, gjerman dhe nordik). Gjithashtu, do i kushtohet rëndësi instrumenteve më të rëndësishëm të harmonizimit të së drejtës së kontratave në nivel ndërkombëtar.

Qëllimi i lëndës është të fokusohet në tiparet më kryesore të së drejtës së kontratave në sisteme të ndryshme ligjore në botë për të treguar tiparet e përbashkëta dhe të ndryshme. Fillimisht, në rast se dikush është përfshirë në një marrëdhënie juridike ndërkombëtare është i nevojshëm një kuptim i saktë i sistemeve ligjore të caktuara. Megjithatë, depërtimi në sisteme ligjore të ndryshme është shumë i nevojshëm për të kuptuar dhe për të zhvilluar një sistem ligjor, veçanërisht në kuadër të ndërkombëtarizimit të burimeve ligjore.