Metodologjia e përzgjedhur përqendrohet në mënyrë të veçantë në përvetësimin e aftësive të komunikimit në frëngjisht. Ajo ofron një punë rigoroze dhe sistematike e cila fokusohet në përvetësimin e një aftësie të izoluar ose në disa në të njëjtën kohë. Qëllimi i kësaj metode lidhet me mundësinë që nxënësi krijon strategjitë e veta lidhur me të kuptuarit dhe të shprehurit. Në këtë modul, studenti thellon në një nivel më të avancuar, njohuritë gjuhësor, komunikuese dhe kulturore në gjuhën frënge si gjuhë e huaj.

Mësimi është në harmoni të plotë me zbatimin e procesit të Bolonjës, udhëzimet e KE-s mbi shumëllojshmërinë gjuhësore, të niveleve dhe aftësive të përcaktuara në Kuadrin Europian të përbashkët të referencave për gjuhët si dhe me të drejtën e studentëve për të ndjekur në vitin e parë një gjuhë të huaj. Mësimi i një gjuhe tjetër të huaj do t’i ndihmojë studentët ta përvetësojnë metodologjinë e të mësuarit të një gjuhe në një këndvështrim tjetër nga ai i gjuhës së huaj të parë për të cilën ata edhe studiojnë. Gjithashtu, ky lloj distancimi do t’i ndihmojë ata ta kuptojnë më mirë funksionimin e secilës gjuhë të huaj në raport me atë amtare. Studenti ka njohuri fare të pakta ose nuk ka aspak njohuri në gjuhën frënge. Pra, ai në këtë modul të parë e zbulon gjuhën dhe merr disa njohuri fillestare për të.