Ky modul, bazohet ne parimet e Kuadri Europian i Përbashket të Referencave për Gjuhët, dhe u mundeson studentëve të zhvillojnë dhe të përftojnë dije lidhur me të vepruarin, të domosdoshme për realizimin me sukses të komunikimit në gjuhën frënge si gjuhë e huaj. Metoda bashkëkohore e përdorur i jep studentit një vend qëndror në përvetësimin dhe përdorimin e gjuhës. Studentëtet zhvillojnë dhe përftojnë dije lidhur me elemente të jetës së përditshme si paraqitja, dhënia e informacioneve personale, veprimtaritë e kryera në klasë, studimet, vendet, monumentet, profesionet, blerje, si dhe elemente kulturore e shoqërore të Frances.

Mësimi është në harmoni të plotë me zbatimin e procesit të Bolonjës, udhëzimet e KE-s mbi shumëllojshmërinë gjuhësore, të niveleve dhe aftësive të përcaktuara në Kuadrin Europian të përbashkët të referencave për gjuhët si dhe me të drejtën e studentëve për të ndjekur në vitin e parë një gjuhë të huaj. Mësimi i një gjuhe tjetër të huaj do t’i ndihmojë studentët ta përvetësojnë metodologjinë e të mësuarit të një gjuhe në një këndvështrim tjetër nga ai i gjuhës së huaj të parë për të cilën ata edhe studiojnë. Gjithashtu, ky lloj distancimi do t’i ndihmojë ata ta kuptojnë më mirë funksionimin e secilës gjuhë të huaj në raport me atë amtare. Studenti ka njohuri fare të pakta ose nuk ka aspak njohuri në gjuhën frënge. Pra, ai në këtë modul të parë e zbulon gjuhën dhe merr disa njohuri fillestare për të.