Kjo lëndë studion zhvillimet e letërsisë angleze nga periudha anglo-saksone deri në shekullin e 18-të, fillimet e periudhës romantike. Lënda ndjek ecurinë kronologjike të periudhave letrare në letërsinë angleze, duke marrë parasysh zhvillimet historike të çdo periudhe. Tekstet do të përzgjidhen nga një grup i ndryshëm autorësh dhe traditash dhe këto vepra në prozë, poezi, dramë dhe fiksioni do të studiohen në lidhje me kontekstet e tyre historike, gjuhësore dhe kulturore.

Ky kurs synon: - Të pajisë studentët me njohuri mbi veprat kryesore të letërsisë angleze/britanike sipas rendit kronologjik, nga periudha anglo-saksone deri në shekullin e 18-të; - Të ndihmojë studentët në leximin e pavarur, kuptimin dhe analizën e veprave letrare të Letërsisë Angleze nga kohërat e lashta deri në shekullin e 18-të. - Të kultivojë kapacitetin e studentëve për të gjykuar vlerën estetike dhe etike të teksteve letrare, duke u mundësuar atyre të artikulojnë standardet pas gjykimeve të tyre; - Të rrisë vlerësimin e studentëve për letërsinë, gjuhën dhe imagjinatën, si dhe aftësinë e letërsisë të nxisë ndjenja, të kultivojë imagjinatën dhe të na shtojë përgjegjësinë si njerëz.