Kursi synon të njohë studentët me problemet teorike, praktike dhe metodologjike të Sociolinguistikës, si dhe evoluimin e përgjigjeve të këtyre problemeve dhe debateve të vazhdueshme. Në këtë kurs do të eksplorohen mënyrat sesi gjuha krijon dhe reflekton identitetet sociale. Do të shohin edhe faktorët kontekstual – social, kulturor, gjeografik, politik, etj. – që ndikojnë në përdorimin e gjuhës dhe variantet e saj. Në thelb do të mësohet sesi gjuha i jep formë botës tonë dhe sesi njerëzit i japin formë vetë gjuhës. Sociolinguistika është studim përshkrues i ndikimit të cdo aspekti të shoqërisë duke përfshirë normat kulturore, pritshmëritë, kontekstin, në mënyrën sesi gjuha përdoret, dhe efektet i përdorimit të gjuhës në shoqëri.

Qëllimi i kursit është të ofrojë njohuri per studimin e marrëdhënieve ndërmjet gjuhës dhe shoqërisë. Ai do të mbulojë tema të tilla si: variacioni gjuhësor sipas klasës, përkatësisë etnike dhe gjinisë; ndërveprimi gjuhësor dhe çështjet e identitetit dhe ideologjisë; shumëgjuhësia, politika gjuhësore dhe të drejtat gjuhësore.