Silabusi i këtij kursi ka një strukturë shumë dimensionale që përfshin gramatikë dhe fjalor të ndërthurur tek aftësitë e të dëgjuarit, të folurit, të shkruarit dhe të lexuarit. Për sa i përket leximit do të theksohet kuptimi i tij, njohja e fjalorit dhe leximi më i gjerë. Ky kurs ka si qëllim të zhvillojë aftësitë e të mësuarit të studentëve duke i përfshirë ata në detyra, duke i lënë të punojnë në mënyrë të pavaruar me fjalor apo edhe burime të tjera gjuhësore. Kursi ka si qëllim të zhvillojë aftësitë gjuhësore të studentëve dhe sidomos aftësitë e leximit dhe shkrimit. Tekstet e këtij kursi do të ndihmojnë studentët të përmirësojnë aftësinë e të kuptuarit në fusha të ndryshme (p.sh shkenca sociale, shkenca natyrore dhe shkencat humane) me metoda të ndryshme të diskursit( p.sh interpretim, tregim dhe argumentim). Studentët do të zhvillojne aftësitë e mendimit kritik nëpermjet konkluzioneve dhe aftësive për të formuluar pyetje. Tekstet përfshijnë aspekte kulturore të vendeve anglisht folëse e më tej duke ndihmuar edukimin ndërkulturor të studentëve. Shkrimi është zhvilluar nëpërmjet studimit më të thellë të strukturës gramatikore dhe praktikës së teknikave të shkrimit të paragrafëve dhe sidomos eseve pesë paragrafëshe. Studentët përmirësojnë aftësinë e tyre në formimin e fjalive të tipeve të ndryshme.

Nëpërmjet kësaj lënde, studentët do të mund të përforcojnë njohuritë që kanë të bëjnë me struktura të ndryshme grammatike të gjuhës Angleze nëpërmjet një sërë ushtrimesh. Ata do të mund të përdorin ushtrime që kanë të bëjnë me të dëgjuarit si dëgjimi i kontrolluar që i drejton ata drejt zhvillimit të aftësive të të folurit të lirë. Përsa i përket aftësisë së të lexuarit, studentët duhet të praktikojnë aftësitë e të lexuarit si skimming, scanning, të lexuarit intensiv me një qëllim të caktuar, kuptimi i strukturës së tekstit e të tjera. Në pjesën e të shkruarit, studentët do të përmirësojnë aftësitë e tyre të të shkruarit, të shkruajnë letra, emaile, propozim, ese, raport, dhe ese narrative.