Kursi synon të njohë studentët me problemet teorike, praktike dhe metodologjike të Sociolinguistikës, si dhe evoluimin e përgjigjeve të këtyre problemeve dhe debateve të vazhdueshme. Në këtë kurs do të eksplorohen mënyrat sesi gjuha krijon dhe reflekton identitetet sociale. Do të shohin edhe faktorët kontekstual – social, kulturor, gjeografik, politik, etj. – që ndikojnë në përdorimin e gjuhës dhe variantet e saj. Në thelb do të mësohet sesi gjuha i jep formë botës tonë dhe sesi njerëzit i japin formë vetë gjuhës. Sociolinguistika është studim përshkrues i ndikimit të cdo aspekti të shoqërisë duke përfshirë normat kulturore, pritshmëritë, kontekstin, në mënyrën sesi gjuha përdoret, dhe efektet i përdorimit të gjuhës në shoqëri.

Objektivat kryesore të këtij kursi janë: 1.Të pajisë studentin me njohuri rreth lidhjeve të gjuhës me jetën sociale dhe aspekteve të këtyre lidhjeve 2. Të hetojë variantet gjuhësore dhe ndërshkëmbimin ndërmjet gjuhës dhe identiteteve sociale duke përdorur metoda cilësore dhe të numërta 3. Të zgjerojë njohuritë e studentëve duke marrë parasysh, që qëllimi i sociolinguistikës është bazuar në teorinë, e cila siguron një dëshmi të mënyrës sesi një gjuhë përdoret në komunitet, dhe të zgjedhjeve që njerëzit përdorin, kur ato përdorin një gjuhë të caktuar 4. Të ndihmojë studentët të kuptojnë se sociolinguistika është shumë relevante në procesin e mësimdhënies dhe mësimnxënies të një gjuhe të huaj si një faktor rregullues social.