Lënda Anglishtja Përmes Poezisë dhe Dramës ka dy qëllime kryesore: të nxisë një vlerësim të letërsisë në gjuhën angleze – të poezisë dhe dramës - të llojeve dhe kulturave të ndryshme; si dhe të zhvillojë aftësitë kryesore të të lexuarit, analizuarit dhe komunikuarit në mënyrë efikase në gjuhën angleze, me gojë dhe me shkrim. Përmes studimit të një game të gjerë tekstesh, studentët mësojnë më shumë për zgjedhjet e shkrimtarëve rreth strukturës dhe gjuhës, dhe zhvillojnë aftësi të formulimit të opinioneve të pavarura në lidhje me atë çfarë ata lexojnë. Studentët gjithashtu përmirësojnë të kuptuarit e gjuhës angleze dhe përdorimin e saj. Lënda gjithashtu ndihmon në përmirësimin e aftësive gjuhësore të studentëve dhe rritjen e vetëdijes së tyre për gjuhën dhe përdorimin e saj.

Ky kurs synon t`ju mundësojë studetëve të : • promovojnë një dashuri dhe vlerësim të Letërsisë dhe të leximit në Anglisht • mësojnë aftësi gjatë gjithë jetës, përfshirë aftësinë për të shkruar qartë dhe bindshëm, për të zhvilluar argumente etj. • hulumtojnë dhe menaxhojnë informacionin • të analizojnë tekste komplekse në forma dhe stile të ndryshme • njohin parimet dhe njohuritë themelore të poezisë dhe dramës dhe përmirësojnë njohuritë e tyre në këto fusha • eksplorojnë tekste të ndryshme kulturore dhe historike • zgjerojnë njohuritë në fushën e letërsinë në gjuhën angleze • zhvillojnë të menduarit kritik