Lënda Krimi Financiar dhe Kibernetik studion historinë e krimit financiar dhe kibernetik, teknikat dhe strategjitë për hetimin e këtyre krimeve. Lënda studion gjithashtu drejtimet kryesore të zhvillimit të krimit financiar dhe kibernetik dhe zhvillon më tej njohuritë e studentëve në lidhje me problematikat bashkëkohore të aplikimit të përgjegjësisë penale ndaj formave të krimit financiar dhe kibernetik. Kjo lëndë do të trajtojë çështjet ligjore që ngrihen për diskutim në praktikën e organeve të drejtësisë penale dhe punonjësve të agjensive ligjzbatuese gjatë përballjes së tyre me forma të ndryshme të këtyre krimeve. Vëmëndje e veçantë i është kushtuar paraqitjes së teknikave specifike për identifikimin dhe hetimin e krimit financiar dhe kompjuterik. Transmetimi i dijeve bëhet në mënyrë graduale nëpërmjet shpjegimit të koncepteve thelbësore, përcjelljes së njohurive teorike dhe referimit në dispozitat ligjore të zbatueshme ndaj veprimeve kriminale në fjalë.