Ky kurs synon të ofrojë një pasqyrë të plote mbi te drejtën penale ndërkombëtare, si historikun e krijimit te saj, parimet e se drejtes penale nderkombetare, krimet nderkombetare, pergjegjesine penale per krime nderkombetare apo rrethanat e perjashtimit nga pergjegjesia penale. Lenda analizon gjithashtu aktorët kryesorë në procedurën penale ndërkombëtare, organizimin dhe funksionimin e Gjykates dhe Prokurorise, si dhe elementet e procedurës penale, duke u ndalur tek hetimi, provat, gjykimi, ankimi, rishikimi dhe ekzekutimi i vendimeve te dhena ngja Gjykata Nderkombetare Penale dhe tribunalet e tjere nderkombetare

Në përfundim të kësaj lënde studentët duhet të marrin njohuri të thella për ligjin penal ndërkombëtar dhe praktikën e zbatimit të tij. Kursi I pajis studentët me informacion të detajuar mbi juridiksionet penale ndërkombëtare dhe kryesisht Gjykatën Ndërkombëtare Penale. Përveç kësaj, studentët njihen me kuptimin dhe elementët e krimeve ndërkombëtare, me rastet kur mbahet përgjegjësi për këto lloj krimesh, me organizimin dhe funksionimin e organeve që japin drejtësi në këto raste, me proceduren që ndiqet për hetimin, gjykimin dhe dënimin e autorëve të krimeve ndërkombëtare, si dhe bashkëpunimin e shteteve në mundësimin e këtij qëllimi. Lënda synon që, ndërmjet ndërthurjes së teorisë me praktikën, të pajisë studentin me njohuri mbi mënyrën se si ligji ndërkombëtar penal është zbatuar në praktikën gjyqësore.