Praktike Profesionale është ideuar për tu ofruar studenteve mundesine e praktikimit te njohurive te mesuara gjate studimeve te tyre me raste reale. Praktike Profesionale është një mekanizëm përmes të cilit synohet përsosja e mëtejshme e procesit të edukimit të studentëve të drejtësisë në semestrin e katërt përmes harmonizimit të dijeve teorike me praktikën e zbatimit të ligjit. Ajo ka për qëllim të pajisë studentët me konceptet praktike dhe konkrete dhe aftësitë për zbatimin e njohurive teorike në mbështetje të mbrojtjes dhe përfaqësimit ligjor gjatë çdo fazë të procesit (administrativ, penal dhe civil). Praktika do të shërbejë jo vetëm si një sfond teorik dhe doktrinar mbi mënyrën e përfaqësimit, por edhe si një komponent praktik interaktive ndërmjet studentëve dhe institucioneve, nën kujdestarinë e pedagogëve.

Ky kurs synon: 1. Të familjarizojë studentët me përgatitjen e opinioneve ligjore. 2. Të familjarizojë studentët me përpilimin e dokumenteve apo akteve juridike. 3. T’i njohë studentët me mënyrën se si të punojnë drejtpërdrejt me klientët. 4. T’i mundësojë studentëve të përfitojnë nga trajnimet e aftësimit praktik të ofruara për këtë qëllim. 5. Të pajisë studentët me aftësi për të ndjekur proceset e ndryshme të punës së jurisitit. 6. Të pajisë studentët me aftësi për të gjetur zgjidhjet potencialisht më të mira në favor të klientit apo grupeve në nevojë që i drejtohen klinikës.