Ky kurs i njeh studentët me parimet dhe teoritë bazë makroekonomike. Fokusi është në të kuptuarit e funksionimit të tre tregjeve të një ekonomie moderne: tregu i mallrave, tregu i parasë dhe tregu i punës. Qëllimi është të mësojmë se si të mendojmë në mënyrë kritike për ekonominë duke përdorur mjete formale si modelet algjebrike dhe statistikore. Qëllim tjetër kryesor është tëzotërojmë idetë themelore ekonomike dhe funksionimin e ekonomisë në shkallë kombëtare. Prodhimi, shpërndarja dhe konsumi i mallrave dhe shërbimeve, procesi i shkëmbimit, roli i qeverisë, të ardhurat kombëtare dhe shpërndarja e tyre, PBB, funksioni i konsumit, funksioni i kursimeve, shpenzimet për investime, parimi i shumëzuesit dhe ndikimi i shpenzimeve të qeverisë në të ardhura dhe prodhim janë koncepter kryesore ku fokusohet kjo lëndë. Analiza e politikës monetare, duke përfshirë sistemin bankar dhe sistemin e rezervës federale është gjithashtu pjesë integrale e lëndës.

Objektivat kryesore:Të shpjegojmë parimet thelbësore ekonomike, shqetësimet kryesore makroekonomike dhe të dimë si të llogariisim treguesit bazë makroekonomikë. Të shpjegojmë parimet thelbësore ekonomike që qëndrojnë në themel të funksionimit të tregut të mallrave, tregut të parasë dhe tregut të punës në një ekonomi moderne. Analizimi i mekanizmave dhe kanaleve përmes të cilave politikat fiskale dhe monetare ndikojnë në makroekonominë e një vendi. Vlerësimi dhe sintetizimi i debateve aktuale ekonomike mbi ndërhyrjen e politikave makroekonomike. Përdorimi i modele të thjeshta makroekonomike për të analizuar një ekonomi dhe për të nxjerrë efektet e goditjeve ekzogjene në prodhimin, punësimin dhe nivelin e çmimeve. Shpjegimi i perspektivave të ndryshme në makroekonomi.