Lënda “Manaxhimi Strategjik” analizon proçesin e manaxhimit strategjik dhe njohjen e praktikës së zbatimit të këtij proçesi në organizata reale. Proçesi i manaxhimit strategjik ka të bëjë me marrjen e vendimeve rreth të ardhmes së organizatës dhe zbatimin e këtyre vendimeve. Ai ka për qëllim t’i njohë studentët me njohuri të tilla si: Çfarë është Vizioni, Misioni, Vlerat, dhe Objektivat e organizatës? Analiza e mjedisit të brendëshm dhe të jashtëm të organizatës. Pse janë të rëndësishme vendimet strategjike apo teknikat për formulimin dhe zbatimin e strategjisë? Çfarë strategjish janë të suksesshme për organizata të ndryshme që operojnë në kushte të ndryshme? Hartimi i strategjive në nivel Biznesi, Korporate dhe Ndërkombëtare. Roli i Inovacionit në krijimin e avantazhit konkurrues. Etika dhe Përgjegjësia Sociale e Korporatave.

• T’i pajisë studentët me njohuritë bazë mbi proceset e menaxhimit strategjik, rolet dhe funksionet e një menaxheri në organizatat e biznesit. • Të analizojë në mënyrë të detajuar mjedisin e jashtëm dhe të brendshëm në të cilin operojnë organizatat me qëllim që vendimet strategjike të cojnë organizatën në një performancë të lartë. • Të orientojë studentët që të përdorin në mënyrë racionale strategjitë e duhura për ta bërë organizatën konkurruese në tregjet ndërkombëtare. • Të aftësojë studentët të mendojnë në mënryre kreative dhe strategjike që njohuritë e fituara gjatë këtij kursi t’i përdorë në funksion të formimit të tij dhe njëkohësisht të orientohet me sukses në praktikat e biznesit.