Kjo lëndë i përkufizon organizatat si mjedise pune. Ajo është e fokusuar në lidhjen midis individit, grupit dhe gjithë organizatës. Në mënyrë të veçantë, lënda përshkruan vlerën e lidhjes midis punës dhe familjes, individëve dhe ekipeve, organizatave dhe shoqërisë në kërkim të prosperitetit të ardhshëm. Lënda luan një rol vendimtar në përcaktimin e aftësive të studentëve që i ndihmojnë ata të zgjedhin mënyrën duhur të veprimit, me synimin për të kontribuar më shumë në performancën e tyre individuale dhe organizative gjatë gjithë karrierës së tyre. Metodologjia e mësimdhënies dhe pedagogjia janë multidisiplinare dhe mbështeten në metoda dhe teknika të ndryshme. Qëllimi kryesor është njohja nga studentët e rëndësisë së sjelljeve njerëzore dhe angazhimi i tyre në organizata. Gjithashtu, synohet rritja e njohurive dhe aftësive të tyre, në mënyrë që të jenë të përgatitur për t'u bërë liderët e nesërm në organizata.

Lënda synon t'u japë studentëve një vlerësim të natyrës unike të qenieve njerëzore si punonjës; Të sigurojë që studentët të njohin variablat kryesore të pavarura dhe të varura të sjelljes organizative; Të ndihmojë studentët të jenë anëtarë produktivë të ekipit dhe/ose udhëheqës të ekipit; Të ndajë me studentët njohuritë teorike dhe praktike që janë të nevojshme për të kuptuar personalitetet, perceptimet dhe motivimet e punonjësve; të ndërtojnë skuadra që gëzojnë unitetin, kënaqësinë dhe performancën e lartë; të kuptojnë organizatat komplekse-adaptuese nëpërmjet mekanizmave efektivë të komunikimit, menaxhimit të konflikteve dhe udhëheqjes përfshirëse.