Lënda “Marrëdhëniet me Konsumatorin” u mundëson studentëve të kuptojnë rëndësinë e marrëdhënieve me klientin dhe shërbimin në marketing. Ndërkohë që shumë mund të argumentojnë se shërbimi ndaj klientit është një shërbim themelor dhe i zakonshëm, kohët e fundit po bëhet gjithnjë e më i dukshëm se shërbimi ndaj klietit është jetësor për suksesin e biznesit. Në kohët që konkurenca po shtohet gjithnjë e më shumë, bizneset duhet të zhvillojnë mënyra që biznesi i tyre të diferencohet nga masa e gjerë dhe shërbimi i klientit është një ndër faktorët kryesorë.

Objektivat të cilat synohen të arrihen me realizimin e këtij kursi janë: - Studentët duhet të kuptojnë si shërbimi ndaj klientit është i lidhur me funksione të tjera të biznesit dhe rëndësia e tij për biznesin në tërësi. - Të kuptojnë rëndësinë e sjelljes ndaj shërbimit të klientit për shkak të rëndësisë që ka në marketing. - Të kuptojnë praktika dhe teknika produktive marketingu dhe të dijnë si t’i aplikojnë ato. - Të jenë të aftë të identifikojnë, kuptojnë dhe aplikojnë koncepte bazë marketingu për t’u përballur me sfidat e marketingut.