Kursi i mendimit kreativ ofron një sërë mjetesh për të nxitur të menduarin krijues dhe paraqet një pasqyrë hyrëse të modeleve teorike të krijimtarisë. Mjetet e të menduarit krijuses dhe bazat teorike mundësojnë një sfond të nevojshëm për të përvetësuar lëndën. Përgjatë semestrit, studentëve do t’u mundësohen aktivitete të cilat nxisin të menduarin kreativ, në mënyrë që të aftësohen në zhvillimin e proceseve vetjake të mendimit krijues.

Objektivat të cilat synohen të arrihen me realizimin e këtij kursi janë: • Në përfundim të lëndës studentët do të jenë të aftë të shpjegojnë modelet teorike që drejtojnë procesin kreativ, gjithashtu të identifikojnë barrierat që limitojnë kreativitetin tek individë apo organizata. • Studentët të praktikojnë të menduarin kritik dhe kreativ. Nisur nga ky fakt, ato do të jenë në gjendje të analizojnë aftësitë e tyre kreative, të përkufizojnë mjetet e të menduarit kreativ si edhe të demostrojnë aftësitë e tyre në këtë fushë