Lënda synon të jap njohuri të detajuara mbi organizimin dhe menazhimin e fushatave të ndryshme komunikuese, orientuese, ndërgjegjësuese përfshirë edhe fushatat zgjedhore. Puna dhe procesi mësimor në këtë lëndë do të zhvillohet në shkëmbim eksperiencash midis lektorit dhe studentëve dhe individëve të tjerë profesionistë të fushës që do të ftohen gjatë procesit të zhvillimit të lëndës. Një rëndësi e veçantë do t’u kushtohet punës konkrete që studentët do të zhvillojnë në grup. Pjesëmarrësit e kursit do të ndërtojnë një fushatë të mirëfilltë mbi një temë të përzgjedhur nga vetë ata dhe do ta menaxhojnë në të gjithë elementët përbërës duke u vlerësuar si në drejtim të realizimit të elementëve të fushatës ashtu edhe përsa i përket rezultatit të kësaj fushate.

- Zhvillimi dhe kuptimi i një ndarje të duhur të punës në mes pjesëmarrësve të grupit. - Duke pasur parasysh të dhënat e target audiencës, të zhvillojnë mesazhe efektive të fushatës dhe të përcaktojnë një angazhim të llojeve të ndryshme medias për të promovuar dhe mbështetur fushatën me qëllim influencimin dhe bindjen e audiencës për të përkrahuar dhe mbështetur fushatën. - Përdorimi i të dhënave të audiencën për të zhvilluar një buxhet të përshtatshëm (dhe me kosto të ulët) fushate, duke përfshirë edhe planet realiste për ngritjen e fondeve. - Hartimi i një plani për shfrytëzimin maksimal të vullnetarëve / ambasadorëve si përëues të mesazhit të fushatës tek audienca e synuar. - Krijimi i një analizë krahasuese për drejtimin e fushatës në juridiksione të ndryshme lokale (në një sërë vendesh në varësi të pjesëmarrësve)