Mësimi i çdo fushe të matematikës kërkon një kuptim të koncepteve që ndodhin në këtë fushë (secila prej të cilave kërkon një përkufizim të qartë) dhe njohuri për disa pohime të vlefshme, secila prej të cilave është ose një aksiomë (vërtetësia e të cilës pranohet pa vërtetim) ose një teoremë (vërtetësia e të cilës mund të vërtetohet me ndihmën e koncepteve dhe pohimeve të tjera). Kjo arrihet më së miri nëse mund të kuptojmë vërtetimet e teoremave dhe jemi në gjendje të shkruajmë vërtetimet tona. Në kursin e matematikës discrete të njihemi me disa metoda vërtetimesh që mund të përdoren për të treguar vërtetësinë e teoremave, si dhe mënyra për të treguar se pohimet janë të gabuara. Këto metoda bazohen në logjikë, e cila na lejon të përdorim arsyetimin për të treguar se një pohim i dhënë është i vërtetë ose i gabuar. Fushat kryesore të studimit janë logjika dhe vërtetimet, predikatet dhe kuantorët, teoria e bashkësive, teoria e numrave, relacionet dhe funksionet, vargjet, seritë numerike dhe induksioni

Objektivi i kursit të matematikës diskrete është t’u ofrojë studentëve një udhëzues të gjerë dhe të arritshëm për bazat e matematikës diskrete dhe të tregojë se si mund të zbatohen ato në fusha të ndryshme sidomos në shkencat komjuterike dhe teknologji informacioni. Nëpërmjet këtij kursi synohet t`u mësohen studentëve skema dhe algoritme të logjikës matematike me qëllim që t`i kenë ato si mjete efektive për zgjidhjen e situatave të ndryshme problemore. Për të arritur këtë qëllim, në materialet mësimore të kursit të matematikës diskrete, do të trajtohen koncepte që kanë të bëjnë me logjikën matematikë, me predikatet dhe kuantorët, teorinë matematikore të bashkësive, arsyetimin matematikor, teorinë e numrave, relacionet, funksionet, rekurencat, algoritmat, vargjet, seritë numerike dhe induksioni matematik.