Ky kurs ofron një hyrje gjithëpërfshirëse të kërkimeve të marketingut dhe diskuton konceptet, proceset dhe teknikat kryesore, si edhe aplikimet e tyre. Kursi adreson përdorimin e studimeve të marketingut si mbeshtetje për marrjen e vendimeve të marketingut nga ana e menaxhmentit; konkretisht, si mblidhen dhe analizohen informacionet e ndryshme me ate te metodave kerkimore. Përveç një përmbledhje të hulumtimeve marketingut, kursi përfshin hartimin e nje kerkese per studime tregu, hartimin e metodologjise dhe zbatimin e nje studimi duke përfshirë të dhëna cilësore dhe sasiore.

Kjo lëndë synon që tu sigurojë studentëve formim në metodat e kërkimit, problematikat e procesit të kryerjes së studimeve marketing, analizës së të dhënave, dhe metodat e vlerësimit të lidhura me marketingun si dhe raportimin e tyre. Me konkretisht: - Të jenë në gjendje të përkthejnë një problem të marketingut në një pyetje ose objektiva të mundshme kërkimore - Të formulojnë një kërkesë për propozim tregu, duke u pozicionuar në rolin e një biznesi që kërkon studime marketing - Të vlerësojnë kërkimin e marketingut si një proçes që përfshin një sekuencë aktivitetesh dhe të identifikojnë secilin prej tyre - Të kenë një kuptim të përgjithshëm të pikave të forta dhe të dobëta të modeleve të ndryshme të kërkimit sasiore dhe cilësore - Të jenë të vetëdijshëm për burimet e ndryshme të informacionit të marketingut dhe mënyrat e ndryshme për mbledhjen e një informacioni të tillë - Të jenë më të ndjeshëm ndaj paragjykimeve dhe kufizimeve të të dhënave të marketingut dhe analizës të të dhënave dhe etikës në mbledhjen dhe perdorimin e tyre. - Të njohin dhe perdorin platformat online per ndërtimin e pyetesorëve sasior dhe mbledhjes së të dhënave bazë si Google forms dhe Survey Monkey - Lënda ka gjithashtu për qëllim të ndihmojë nxënësit të fitojnë aftësinë për të vlerësuar dhe interpretuar kërkime marketing të projektuara dhe realizuara nga ofrues të jashtëm.