Programi synon të pajisë studentët me një rreth të caktuar njohurish nga historia jonë kombëtare, t’u paraqesë momentet dhe ngjarjet më të rëndësishme të historisë sonë që nga lashtësia deri në ditët tona. Programi u jep mundësi studentëve të analizojnë dhe mbajnë qëndrim për probleme të ndryshme historike.

Ky kurs synon: 1. Të njohë studentët me ngjarjet kryesore të periudhave historike të ndodhura në Shqipëri përgjatë shekullit XX deri në ditët e sotme. 2. T’i njohë studentët me mënyrën e organizimit juridik dhe shtetëror të qeverive të ndryshme shqiptare në periudha të caktuara shqiptare. 3. T’i aftësojë studentët në arsyetimin dhe argumentimin e fakteve të ndryshme historike dhe sociale në konteksin historik. 4. Të zhvillojë tek studentët mendimin kritik për tema të caktuara historike. 5. Të fitojnë njohuritë themelore. 6. Të jenë në gjendje të diskutojnë zhvillimet politike, marrëdhëniet ndërkombëtare, ekonominë, arsimin, artin dhe kulturën në Shqipëri për gjatë viteve 1912 deri më sot.