Komunikimi organizativ është fushë studimi e cila merret me bashkëveprimin, koordinimin dhe marrëdhënieve mes individëve në një grup, kompani apo organizatë. Më tej shqyrtohen disa kuptime themelore të sjelljes organizative. Ajo paraqitet sot një fushë dijesh e kërkimi ndërdisiplinar, që i dedikohet kuptimit dhe menaxhimit më të mirë të njerëzve në punë. Shtjellohen konceptet e organizatës, strukturës, organizimit, planifikimit, motivimit, vlerave, etikës dhe vlerësimeve, të gjitha në funksion të sjelljes organizative, ku, natyrisht, fokusimi është tek kontributi i komunikimit organizativ. Gjatë këtij kursi jepet mundësia që studentët, nga këndvështrimi i punonjësit të medias, ta shohë efektivitetin e organizatës punuese të lidhur me komunikimin nga niveli individual, grupor, tek ligjërimi në publik si dhe ai lloj komunikimi që rezulton efektiv në zgjidhjen e problemit dhe marrjen e vendimit, në nivel organizate.

Kjo lëndë do të ndihmojë studentët që: - të pasurojnë njohjen për organizatat si dhe eksperiencën e studentëve si anëtar i një organizate - të zhvillojnë cilësitë komunikuese që janë të rëndësishme për veprimtarinë në organizatë - të mësojnë teknikat dhe specifikat e komunikimit në grup dhe marrëdhëniet mes liderit dhe anëtarëve, mënyrës së përcjelljes së mesazheve, motivimit në organizatë - të mësojnë sesi mund të kalojnë momentet e krizës së meaxhimit të një grupi apo edhe kompanie - të zhvillojnë vlerat e etikës, qëndrimet profesionale dhe aftësitë personale të nevojshme për përgatijen e tyre si specialistë të komunikimit në organizatë.