Kjo lëndë trajton të gjitha aspektet e nevojshme që nga kuptimi se çfarë konsiderohet një event, llojet e eventeve, qëllimet e tyre, mënyrat e detajuara të planifikimit, organizimit, realizimit, analizimit dhe përmirësimit të procesit. Lënda përfshin leksione, diskutime, raste studimore, ushtrime, aktivitete në terren, punë në grup, të ftuar, etj.

Qëllimi i kësaj lënde është që tu japë studentëve një kuptim të çështjeve afatgjata në menaxhimin dhe marketingun e eventeve, t’i aftësojë ata në planifikimin dhe realizimin e suksesshëm të projekteve si rezultat i punës në grup. Synohet që studentët të cilët përfundojnë me sukses këtë lëndë të fitojnë aftësi konceptuale dhe analitike në planifikimin strategjik dhe në mënyrën se si lidhet ai me menaxhimin e eventeve.