Kjo lëndë fton studentët të studiojnë etikën dhe të angazhohen në respektimin e saj, veçanërisht atë etikë që zbatohet në çështjet e krimit, të ligjit dhe të drejtësisë. Gjatë kësaj lënde do të shqyrtohen konceptet e moralit, të etikës, vlerat, korniza morale / etike dhe dilemat mes së drejtës dhe së gabuarës. Qëllimi i kursit është që të përmirësojë aftësitë e studentëve që të mendojnë si kritikë, dhe të përballen me të dyja anët e një çështjeje, me të drejtën dhe të gabuarën njëkohësisht

Ky kurs synon: 1. Të familjarizojë studentët me me rregullat e etikës. 2. Të familjarizojë studentët me nevojën për kodet e etikës. 3. T’i njohë studentët me përgjegjësitë që lidhen me zbatimin e rregullave dhe kodet e etikës. 4. T’i njohë studentët me analizën e tipareve të sistemit shqiptar në lidhje me rregullat e etikës, duke evidentuar përkatësinë e tij në raport me sistemet e tjera të rregullimit të çështjeve të etikës. 5. T’i njohë studentët me aspektet problematike apo dilemat që e karakterizojnë rregullimin e këtyre çështjeve në Shqipëri.