E Drejta Ndërkombëtare Publike është tërësia e rregullave dhe normave te sjelljes ndërmjet subjekteve te se drejtës ndërkombëtare. Ky kursështë i konceptuar si i përbërë prej disa pjesëve, të cilat ofrojnë njohuri për sa i përket parimeve dhe burimeve të së drejtës ndërkombwtare, elementëve të domosdoshëm për ekzistencën e shtetit si subjekt i së drejtës ndërkombëtare, krijimin e organizatave joqeveritare dhe ndërqeveritare, institutet kryesore të së së Drejtës Ndërkombëtare të Detit, të së Drejtës Ndërkombëtare të Traktateve, të së Drejtës Diplomatike dhe Konsullore, të së Drejtës Ndërkombëtare Humanitare, etj. Vëmendje e veçantë u kushtohet mekanizmave ndërkombëtarë për zgjidhjen paqësore të konflikteve ndërkombëtare.

Objektivi kryesor i studimit të lëndës E Drejta Ndërkombëtare Publike I është t’u ofrojë studentëve njohuri të përgjithshme mbi objektin dhe burimet e saj, evolucionin historik dhe raportin e saj me të drejtën e brendshme. Ndër të tjera, kursi synon të qartësojë natyrën e subjekteve të së drejtës ndërkombëtare publike dhe rolin e shtetit dhe organizatave ndërkombëtare si subjektet kryesore të saj. Në mënyrë të veçantë, një pjesë e kursit i dedikohet rolit të individit në periudhën e globalizmit, në të dy aspektet, si subjekt aktiv dhe pasiv i së drejtës ndërkombëtare.