E drejta proceduriale civile si një nga pjesët e së drejtës studion rregullat e zhvillimit të procesit civil, që bëjnë të mundur të jepet drejtësi duke garantuar si integritetin e rendit juridik, ashtu të drejtat subjektive materiale të subjekteve të ndryshme, qoftë në marrëdhëniet e tyre reciproke, qoftë dhe kundrejt organeve të pushtetit publik dhe duke i ofruar këtyre subjekteve mjetet juridike për mbrojtjen e të drejtave dhe interesave të tyre të ligjshme. Me anë të këtij kursi, studentët do të përvetësojnë njohuri mbi mënyrat e marrjes së provave, gjykimet e posacme, ankimin, gjykimin në apel dhe në Gjykatë të Lartë si dhe cështje të lidhura me arbitrazhin.

Qëllimi i ketij programi është të pajisë studentët me njohuri të thelluara për t'u përballur profesionalisht me procedurat gjyqësore civile. Me përfundimin e këtij niveli studimesh, studenti duhet të jetë në gjendje për të kërkuar, analizuar dhe të zgjidhur probleme të çështjeve teorike apo praktike të së drejtës procedurale civile.