Lënda është tepër praktike dhe konsiston në rritjen e aftësive të studentit të drejtësisë, në fushën e shkrimit dhe analizimit ligjor, si një pjesë thelbësore e formimit të tij si jurist dhe një aspect i domosdoshëm për cilindo nga profesionet ligjore që do të praktikojë. Ky kurs synon të ndërthurë dhënien e elementeve bazë të arsyetimit ligjor me zhvillimin e aftësive të analizës dhe vlerësimit, të formuara nëpërmjet anës teorike dhe ushtrimeve praktike. Mbrojtja ligjore kërkon një analyze të thellë dhe një shkrim bindës. Në cdo rast juristi duhet të jetë I aftë të identifikojë legjislacionin përkatës dhe të përshtasë atë me faktet e paraqitura në një cështje të caktuar. Në këtë kontekst studentët do të zhvillojnë aftësitë kërkimoredhe interpretative të akteve ligjore e nënligjore dhe do të mësojnë të analizojnë cështje ligjore komplekse dhe të parqesin konkluzionet përkatëse në formë të qartë, të plotë e të përmbledhur.

Kjo lëndë synon të ofrojë njohuritë bazë të teknikave logjike analitike, duke u përqendruar në zbatimin e tyre në arsyetimin e ardhshëm ligjor. Këto aspekte të përgjithshme të të arsyetuarit, do të ndërthuren me analizën e arsyetimit ligjor, duke I orientuar studentët drejt një arsyetimi të përqendruar në natyrën e vecantë të arsyetimit ligjor dhe vendimarrjes gjyqësore. Kursi synon gjithashtu të aftësojë studentët lidhur me përdorimin e teknikave të arsyetimit në analizën ligjore të rasteve specifike, të përzgjedhura për të dhënë raste tipike të shembujvë të arsyetimit ligjor. Një tjetër objektiv i këtij kursi, është të ofrojë njohuri lidhur me gjuhën e përdorur në aktet normative dhe shkrimet ligjore, llojet e shkrimit ligjor, gjuhën dhe stilin e përdorur si dhe të ofrojë ushtrime praktikë të hartimit të ndryshëm ligjorë si memorandumi, kërkesëpadia, vendimi gjyqësor etj.