E Drejta Familjare, trajton në mënyrë analitike e sistematike institutin e familjes dhe marrëdhëniet familjaro-juridike që rrjedhin prej saj, në mënyrë që të arrihet një trajtim njohës e shkencor i atyre problematikave që përbëjnë themelin e kësaj dege të së drejtës private. Qëllimi i këtij kursi është të pajisë studentin me njohuri të plota mbi bazat dhe parimet e të drejtës familjare. Lënda do të fokusohet në tema bashkëkohore lidhur me ndryshimet e konceptit të familjes në Shqipëri dhe në botë, ku do të diskutohen kazuse të ndryshme, me qëllim që kuptimi teorik të përvetësohet sa më mire nga student nga njëra anë, gjithashtu dhe të jape njohuri mbi praktikën gjyqësore.

Qëllimi dhe objektivi i kësaj lënde është aftësimi i studentëve në kuptimin e drejtë të marrëdhënieve ligjore familjare dhe interpretimin e normave dhe legjislacionit në fushën e së drejtës familjare. Kursi synon gjithashtu dhe edukimin për një kuptim të drejtë ligjor e shoqëror të marrëdhënieve martesore e familjare, pa u ndikuar nga tradita e zakone jo te përshtatshme. Kjo lëndë synon të jape një trajtim të plotë të parimeve të së drejtës familjare; lidhjen e martesës, shpalljen e pavlefshme dhe zgjidhjen e saj; pasojat e zgjidhjes së martesës etj. Nëpërmjet studimit dhe diskutimit të kazuseve, studentët do të përgatiten për të argumentuar drejt vendimet gjyqësore, si dhe për t’i mbështetur ato në provat e administruara gjatë procesit gjyqësor