Bazat e adhurimit islam janë themeli i jurisprudencës islame dhe hyrje në filozofinë e saj. Në këtë lëndë studenti do ketë mundësinë të studiojë një pjesë të madhe të kapitujve të adhurimeve në një formë të përgjithshme dhe jo të thelluar. Synimi i lëndës bazat e adhurimit islam, siç kuptohet edhe nga vetë titulli, është ti përftojë studentit njohuritë hyrëse rreth adhurimeve kryesore të besimit islam. Kjo do ta pasurojë studentin me informacione paraprake edhe të logjikimit e filozofisë së jurisprudencës islame, e cila do të trajtohet më e zhvilluar në një semestër tjetër. Studenti që është i suksesshëm në këtë lëndë do të jetë i formuar në lidhje me format e adhurimit dhe kryerjen e tyre në një formë të saktë.