Punimi i tezës së masterit përgatitet individualisht nga studenti. Studenti zhvillon një hulumtim të pavarur mbi një temë të caktuar, të propozuar dhe të miratuar nga departamenti. Studentët duhet të jenë të aftë të bëjnë hulumtimin dhe të raportojnë mbi të gjithë procesin e tij, i cili shpie në tekstin përfundimtar të tezës së masterit. Studentët fillojnë me identifikimin e problemit të studimit, mbledhjen e të dhënave, metodat e analizës së të dhënave etj., dhe në fazat e mëvonshme i përshkruajnë ato në rezultatet e hulumtimit. Studentët që ndjekin këto lëndë kanë një udhëheqës për punën kërkimore dhe tezën që përgatisin për marrjen e diplomës në përfundim të studimeve të këtij cikli.