Në fokus të kursit do të jenë çështjet që lidhen me audiencat. Ç’janë audiencat, pse zakonisht flitet për karakterin heterogjen të tyre, çfarë na detyron të flasim për shumëlloj audiencash, për publikë, nga çfarë karakterizohen dhe roli i analizave funksionale e demografike për të depërtuar në këto lloj tiparesh. Ajo që do të theksohet e shpjegohet gjatë kursit lidhet ngushtë me ndryshimet teknologjike dhe shfaqjen e mediave të reja, një zhvillim ky që është pasuar nga ndryshimi i pozicionit të audiencave; konceptet “gjenerim përmbajtje nga përdoruesit”, “segmentim audience” dhe “edukim mediatik dhe situata aktuale në terrenin shqiptar.

Njohja dhe përdorimi i medias për të ndikuar audiencën. Gjithashtu mënyra se si mediat masin audiencat e tyre. Studentët do të kuptojnë më mirë rolin që media ka në jetën e tyre të përditshme edhe se si audienca mund të “manipulohet”. Por njëkohësisht do të njihen me mënyrat e reja të përdorimit të kanaleve të mediave konvencionale dhe mediave të reja për të dhënë e marrë informacion, argëtim, etj.