Kjo lëndë do të trajtojë aspekte etike të medias. Kursi do të ofrojë një panoramë të shkollave, ideve e pikëpamjeve etike si instrumente analitike për gjykimin e çështjeve të ndryshme, që përftohen nga mënyrat me të cilat mediat e ndryshme pasqyrojnë ngjarjet e ditës. Në vazhdim stdentët do kenë mundësi të njihen me modele të gjykimit etik, me problemet “e gjuhës së ulët”, rëndësinë e qartësisë e saktësisë, me këndshikimet lidhur me të vërtetën dhe objektivitetin, me jetën private apo dukuritë e shfaqura në kushtet e mediave të reja.

Në këtë kurs studentët do të aftësohen në zhvillimin dhe konsolidimin e gjykimit etik për dukuritë që shfaqen rëndom në punën e medias dhe sidomos të mediave të reja. Ata do të kenë mundësi të evidentojnë kazuset e ndryshme dhe të arsyetojnë përgjigjet e tyre.