Kjo lëndë, e printuar pjesërisht në libra dhe pjesërisht me leksione të reja nga pedagogu, përmban informacion të bollshëm historik mbi agjencitë kryesore të lajmeve; krijimin, themeluesit, statutin dhe fuqizimin apo tjetërsimin, modernizimin aktual të shumicës së tyre. 2-Një aneks i veçantë i kushtohet historisë së çmimit “Pulitzer”, një çmim, që u jepet gazetarëve më të mirë në botë për shkrimet më të mira në vite që nga 1917 deri sot. 3-Po ashtu do të flitet edhe për gazetarë të famshëm, që kanë dhënë jetën e tyre në ndjekje të lajmit dhe në shërbim të qytetarëve. 4-Historia e agjencive të lajmeve nga krijimi deri në ditët e sotme shkon njëherësh me historinë e pajisjeve elektrike dhe elektronike të transmetimit të lajmeve, duke kapërcyer kufijtë detarë e tokësorë për të rritur shpejtësinë e informimit të publikut. 5-Studentët njihen me teknikat më të fundit të raportimit të lajmeve, bazuar në rregullat, etikën dhe tiparet tradicionale të agjencive informative, kryesisht përmes krahasimit të lajmeve për të njëjtat ngjarje. 6-Pjesë e lëndës janë edhe kodet e etikës gazetareske së agjencive dhe secilit shtet, ku ato janë vendosur.

1-Studentët do të marrin njohuri themelore për agjencitë e lajmeve, si lindën ato dhe si funksionojnë sot në kohët moderne. 2-Studentët do të mësojnë nga krahasimi i raportimeve të këtyre agjencive ecurinë e punës, manualet teorike që zbatohen praktikisht sot në zyrat e tyre. 3-Studentët do të mësojnë mbi zhvillimin e madh, që ka marrë gazetaria sot në botë, do të njohin sukseset e agjencive profesionale, të respektojnë themeluesit e gazetarisë, dhe sakrificat e gazetarëve aktualë. Kështu ata do të mësojnë disa nga sekretet e punës profesionale dhe do të fillojnë të mendojnë se edhe vetë mund të nisin të bëhen gazetarë të aftë dhe të njohur.