Edukimi mbi median dhe informacionin përbën një fushë të re studimesh. Në në epokën dixhitale ku rreziku i dizinformimit dhe informacioneve të rreme, është gjithnjë në rritje, pajisja e njerëzve me njohuri dhe mjete për të kuptuar mënyrën e funksionimit të mediave dhe vlerësuar ndikimin mediatik mbi shoqërinë, përbën një nevojë në rritje. Kjo lëndë është konceptuar për të ndihmuar studentët të kuptojnë mediat në mënyrën sesi ato funksionojnë dhe ndikojnë opinionin publik, si dhe ti pajisë ata me aftësi dhe kompetenca të nevojshme për të analizuar në mënyrë kritike produkin mediatik. Gjatë lëndës synohet të analizohen qëllimet dhe metodat e industrive të ndryshme të medias, të identifikohen efektet që ka media mbi njerëzit, të kuptohen përfitimet dhe efektet e mundshme negative të përmbajtjes mediatike, si dhe të identifikohen teknikat për t'u bërë më të informuar mbi median, si individë dhe si shoqëri. Temat e tilla si efektet e mediave në aftësitë tona njohëse; dhe rëndësia e njohurive të botës reale do të shtjellohen së bashku me raste studimore dhe koncepte të tjera që kanë lidhje me edukimin e audiencave mbi median dhe informacionin. Synimi kryesore është të kuptojmë më mirë përmbajtjen mediatike, industritë e medias dhe mënyrën se si ato ndikojnë tek ne.

1-Dhënia e njohurive bazë për edukimin mbi median dhe informacionin. 2- Shtjellimi i koncepteve dhe qasje kryesore teorike mbi fushën e edukimit mediatik dhe paisja me aftësi për aplikimin e ketyre koncepteve në praktikë 3-Aftësimi i studentëve në hartimin dhe zbatimin e planeve për rritjen e shklallës së njohurisë së audiencës mbi median. 4-Paisja me njohuri mbi rolin e mediave në shoqëri, ndikimin në opinionin publik, ekspozimin mediatik të grupeve specifike të audiencës siç janë fëmijët, analizimi kritik i përmbajtjes mediatike dhe procesin e prodhimit të informacionit.