Edukimi Fizik dhe Sporti në arsimin parashkollor, është përqendruar kryesisht në edukimin fizik, sportet dhe gjithashtu në të qënurit i shëndetshëm. Secila nga këto karakteristika është e rëndësishme për një qasje gjithëpërfshirëse në sport dhe edukimin fizik në shkollën fillore. Qasjet e kësaj teme përçohen dorë pas dore dhe përgatit studentët në mësimdhënien e edukimit fizik në arsimin parashkollor, duke përfshirë kërkimin shkencor dhe paraqitjen e materialit për mbarëvajtjen e shëndetit në shkolla.

Energjia, kureshtja, dhe imagjinata e fëmijëve të vegjël i detyron ata të veprojnë dhe ndër veprojnë brenda mjedisit të tyre nga një perspektivë e ngushtë e njëanshme. Ata jetojnë në një familje, luajnë me një grup shokësh, marrin vendime për mënyrën se si ata do të lidhen me njerëzit e tjerë, çfarë duhet të bëjnë në kohën e tyre të lirë, me kë të luajnë, çfarë librash të lexojnë, dhe si të shpenzojnë paratë. Mjedisi i madh social depërton në jetën e tyre përmes televizionit dhe mediave të tjera, udhëtimeve, familjes dhe miqve, por fëmijët e vegjël nuk kanë konceptet bazë për të integruar njohuritë e reja që sjellin këto përvoja. Gjithashtu atyre u mungon aftësia për tu bazuar në perspektiva të tjera për zgjidhjen e problemeve apo për të bërë parashikime afatgjata për pasojat e vendimeve.