Zhvillimi i fëmijës i referohet ndryshimeve biologjike, psikologjike dhe emocionale që ndodhin në qeniet njerëzore midis lindjes dhe përfundimit të fazës së adoleshencës dhe gjatë moshës madhore, ndërkohë që individi kalon drejt pavarësisë. Ekzistojnë përkufizime të ndryshme për fazat e zhvillimit të fëmijës, pasi çdo fazë është një vazhdimësi me ndryshime individuale në lidhje me fazën fillestare dhe përfundimtare. Disa faza zhvillimi sipas moshës janë të përcaktuara dhe të emëruara në intervale. Zhvillimi i duhur i fëmijëve është konsideruar jetik për shoqërinë dhe si rrjedhojë është e rëndësishme për të kuptuar zhvillimin social, njohës, emocional, dhe edukativ të fëmijëve. Rritja e interesit dhe kërkesave në këtë fushë ka çuar në krijimin e teorive dhe strategjive të reja, duke i dhenë një vëmendje të veçantë praktikës që nxit zhvillimin në kuadër të sistemit shkollor. Përveç kësaj, ka edhe disa teori që kërkojnë për të përshkruar një rend stadesh që janë pjesë e zhvillimit e fëmijës.

Lënda ka për qëllim të shpjegojë, të ilustrojë me shembuj dhe të krahasojë konceptet lidhur me zhvillimin e fëmijës. Informacioni i përvetësuar në këtë lëndë e bën studentin të familjarizohet me teoritë e zhvillimit të fëmijës.