Ky kurs është hartuar si një kurs studimi i plotë i teorisë dhe hulumtimit në psikologjinë organizacionale. Qëllimi i këtij kursi është që të shpjegojë sesi karakteristikat e një individi se bashku me klimën dhe elementët e një institucioni ndikojnë tek njeri-tjetri që janë pjesë e një organizmi operativ. Temat që përfshihen në këtë kurs janë motivimi, kënaqësia e punës, lidershipi, ekipi i punës, klima dhe kultura, zhvillimi organizacional dhe ndryshimi, ndikimet sociale dhe sjelljet në grup, marrëdhëniet mes individëve dhe sjelljet organizacionale. Gjatë gjithë kursit, studentët do të inkurajohen të mendojnë për mënyrën se si hulumtimet në psikologjinë organizacionale mund të hedhin dritë mbi ngjarjet në të gjithë botën dhe në jetën e tyre.

Gjatë këtij kursi studentët do të kenë për qëllim: të mësojnë dhe të familjarizohen me konceptet bazë dhe teoritë e psikologjisë organizacionale. të kuptojnë rëndësinë e zbatimit të psikologjisë organizacionale në ambjentin e punës në ditët e sotme. të zotërojnë aftësitë për të zhvilluar dhe përmirësuar njohuritë që ndihmojnë organizatat sot të funksionojnë në mënyrë më efektive.