E drejtë penale si degë shkencore merret me hulumtimin e nocioneve dhe institutit që e përbën rregullativën e tij: veprën penale, përgjegjësinë penale dhe sanksionet penale. Ky hulumtim është i nevojshëm që këto nocione dhe institute të mund të përdoren në mënyrën më efikase në rastet konkrete të kryerjes së veprës penale nga ana e një ose më shumë personave. Por vepra penale, sankcioni penal si dhe institutet tjera të së drejtes penale nuk janë vetem dukuri, para së gjithash ato janë dukuri shoqërore të cilat përmes formës juridike e pasqyrojnë përmbajtën e vet. Ndërsa si dukuri shoqërore u nënshtrohen ndryshimeve në strukturat e zhvillimit të shoqërisë, gjë që kërkon analizë, spjegim dhe interpretim adekuat. Lënda do të ketë të integruar dhe diskutime dhe debate në klasë lidhur me temat specifike kontemporane të lidhura me të drejtën penale

Në përfundim të kësaj lënde studenti do të përfitojë njohuri të thelluara mbi shkencën e së drejtës penale, bazat e legjislacionit penal dhe institutet kryesore. Ai do te perfitoje njohuri te thelluara mbi kuptimin e ligjit penal, veprimin e tij në kohë dhe hapesirë, elementet e figurës së veprës penale, kuptimin e bashkëpunimit e të fazave nëpër të cilat kalon procesi i kryerjes së veprës penale, llojet e denimeve penale dhe dhe menyren e caktimit te tyre, alternativat e denimit me burgim, parashkrimin e ndjekjes penale dhe ekzekutimit te denimit. Nëpërmjet leksioneve, debateve dhe diskutimeve në klasë studentët do të mund të prekin nga afër temat më të rëndësishme të lëndës, si dhe do te aftesohen ne kuptimin dhe zgjidhjen e rasteve praktike.