Përshkrimi i kursit: LAW 401 synon të paisë studentët, të cilët kanë njohuri në shkencat sociale, me aftësi për të kuptuar se si duhet ndërrmarë një kërkim në këtë fushë dhe cfarë përfshin kërkimi në shkencat sociale. Kursi është projektuar që të ekspozojë një informacion të përgjithshëm të metodave kërkimore që përdoren në kërkimin bashkëkohor social. Law 401 do të përgatisë studentët për të zhvilluar më tej aftësitë e tyre kërkuese nëpërmjet shqyrtimit të hollësishëm të koncepteve bazë dhe teknikave që përdoren në kërkimin shkencor në fushën sociale. Kursi si i tërë i dedikohet elementeve të kërkimit social të cilat përfshinë: formulimi i koncepteve dhe teorive; hartimi i pyetjeve kërkimore; mbledhja e të dhënave; analiza e të dhënave; rishikimi i literaturës; dhe shkrimi i konkluzioneve. Për më tepër, ne do të konsiderojmë përdorimin praktik të kërkimit në fushën e ligjit dhe do të shqyrtojmë etikën e kërkimit në fushën sociale. Qëllimi kryesor i kursit është që të përgatisë studentët, të cilët fillojnë karierën në fushën e ligjit, me njohuritë bazë për të kryer kërkim shkencor për aspekte ligjore dhe jo ligjore. Gjatë zhvillimit të kursit do të analizohet një ese, me 2000 fjalë, dhe do t’i jepet përgjigje e detajuar pyetjeve të tilla si: • është ky një shëmbull i një eseje të zhvilluar mjaftueshëm në fushën e ligjit? • është ky një shëmbull i shkëlqyer për një ese në fushën e ligjit? Në fund të simestrit studentët do të jenë në gjëndje të dallojnë burimet primare dhe burimet sekondare, të përdorin me efektivitet teknika të ndryshme të kërkimit, dhe të zhvillojnë më tej aftësitë për kërkim shkencor në fushën sociale. Kursi do t’i ndihmojë studentët në hartimin e propozimeve kërkimore duke synuar në përgatitjen e tyre për procesin e disertacionit.